الدارمي طخيت الك مجبور راسي ابمضيفك بس لاتضن محتاج كسرة رغيفـــك الجواب على الدارمي بزهيري الزهيري طخيت الك واعتذر جدمي اشتبه راح الك مجبور اغض البصرلان تعبي انكلب راحه الك راسي ابمضيفك نزل ينضر ضحك رحه الك بس لاتضن عن رضه من بينت رحتــي محتاج افضي الخلك خل تنسلب راحتي كسرة رغيفك فكرك خلتني امد راحتي غصبن عليها اجت شبكت حضن راحة ** ** ** ** الككلبي اعه درب الهوه سيف الهجر وذره وجروحي ماتنحسب مثل المطر والذره مهموم طول العمر واقره النجم والذره وابحث حقيقة شخص انسان مدري ملك اسمه انكتب بالعرش والروح مني ملك يامن لمت عالهوه لاتلم حالي ملك مفطور انه ابحب علي عكب الخلك والذره ** ** ** ** هله ابوجهك يبعد الروح من هل وغير اشفاك ابد ما اريد منهل فديتك لاتعذب الكلب من هل دلال ورد يبعد اجلاي اليه ** ** ** حبي انفضح لاجلك صار شعلة وانة النورت دربك صار شعلة اشعلة الكلب رايد ؟؟ صار اشعلة عليك اتريد اسلم؟ صار اسلم ورتقائك كلبي غاية وصار سلم اسلمة الكلبي بيدك ؟ صار اسلم ** ** ** قدر مكتوب حبك وانت قسمة الواحد مالة ناتج من تقسمة لون بسيوف كلبي من تقسمة دشوف معزتك شنو مسوية بيه ** ** ** يصاحب لاتظن مسرور بعداك وعسى سم الزهر يندار بعداك شيطفي الكلب من نار بعدك يطفيها الوكت من ترد ليه ** ** ** ذهب كالو عليك شلون فضه وكلبك يالحلو وياي فضه حجي العذال لا تطريه فضه وعوف الكال والكالو عليه ** ** ** ياخذني الدرب عنك وردبــــــــــــــــــــــــــــي دربي من الدمع خضر وردبـــــــــــــــــــــــــــي انتضر مكتوب من عندك وردبـــــــــــــــــــــــــي تونسني وتفرح الروح اليـــــــــــــــــــــــــــــــــــه |
