صح كبل شارع ترابي بلا رصيف والصريفه البيهه كاعد تنطر الماي اعلى كيف
لكن احسن ما جوه التبليط رجلي ولا نمت فوك الرصيف
كبل ميصي التطور كبل حمامن بصريفه
بردي وبرده وشته وبرده وبابه برده وكلنه ماخذنه الرجيف
هسه كيزر ماي حار ودوش عدنه وبالألف واحد مريض
كبل تنور اهلي طين والصديق ايصير اخوي لو على مره يضيف
هسه من صار الخبز عالكهرباء ظل يحط عينه اعلى اختي وهوه ياكل بالرغيف
انه ظد هذا التطور
مو شريف
لا تكول انسان رجعي الناس صعدت للقمر ارفض اصعد للقمر حتى لا اصيرن خفيف
كبل خبز اشعير ناكل أو لو شبع واحد يصدق عالفقير
حتى عن ذنبه يكفر
هسه جل فراي ناكل أو لو طلب خبزه الفقير (نتفل) بكصته ونكفر
انه ظد هذا التطور
كبل بس فانوص عدنه وجنه كل مغرب نشعله وعالنبي انصلي ونكبر
هسه لو شعلوا علينه الكهرباء حتى شايبنه يصفر
انه ظد هذا التطور
كبل جان الخص كصب وما تزل عالجاره عين
هسه طابوك السياج شويه ناصي بصفه كرسي فوكه رجلي ارفع ايدي بس أأشر هيه تطفر
انه ظد هذا التطفر
انه ظد هذا التطور
بالحياة عملو الآف التجارب والبحوث حتى تدخل انظمت وندوز كل الحاسبات
بلكي عدكم حاسبه بأحد نظام تحسبلكم جم عراقي بلا عشه اتعود يبات
وصنعوا تلفاز ريمونت كانترول حتى محد يتعب بوكت الصلات
وهوه كاعد لو سمع صوت الآذان يدوس دكمه لوحده يدير القنات
وما رظوا بالتفرقه بزي النساء الامريكان
وحده متكبعه بحرير ووحده بنصر ردن وردان
صمموا برده حديثه وحققوا بيها التساوي وهسه كلهن عاريات
انه منة من هذا التطور ما اريد ما أريدن بي ربيته اتصمم ازياء النساء
حتى لا يتعى الرجيف
وما اريد الناطحه ادك بالسحاب
حتى لاتعلى العبيد
عندك ايد وعندي ايد ما اريد بكمبيوتر تنطبع جثت شهيد
كبل طب اعشاب جانت يعني لو كلبك يموت اتموت كلك ما تفيد
هسه لو كلبك يموت الطب يكلك ما تموت لو كلب تمساح نزرعلك تريد
ولذالك ما اريد ما اريد اشما اكص جف الحرامي يروح يزرع جف جديد
وما اريدن تنغرس نطفه برحم حتى لا ولد الزنه بوكتك تزيد
وما اريد امريكا تستنسخ بشر حتى لا كل يوم تستنسخ يزيد
انه ظد هذا التطور
سحبو بليزر رصاصه يعني نقذوا روح واحد بالسويد
وظربوا بليزر الف ملجأ عراقي وذابت اعظام البشر ويه الحديد
انه مو ظد التطور
انه مو ظد التطور
انه ضد هذا التطور. ؟؟؟
للشاعر المبدع : نائل المظفر
لكن احسن ما جوه التبليط رجلي ولا نمت فوك الرصيف
كبل ميصي التطور كبل حمامن بصريفه
بردي وبرده وشته وبرده وبابه برده وكلنه ماخذنه الرجيف
هسه كيزر ماي حار ودوش عدنه وبالألف واحد مريض
كبل تنور اهلي طين والصديق ايصير اخوي لو على مره يضيف
هسه من صار الخبز عالكهرباء ظل يحط عينه اعلى اختي وهوه ياكل بالرغيف
انه ظد هذا التطور
مو شريف
لا تكول انسان رجعي الناس صعدت للقمر ارفض اصعد للقمر حتى لا اصيرن خفيف
كبل خبز اشعير ناكل أو لو شبع واحد يصدق عالفقير
حتى عن ذنبه يكفر
هسه جل فراي ناكل أو لو طلب خبزه الفقير (نتفل) بكصته ونكفر
انه ظد هذا التطور
كبل بس فانوص عدنه وجنه كل مغرب نشعله وعالنبي انصلي ونكبر
هسه لو شعلوا علينه الكهرباء حتى شايبنه يصفر
انه ظد هذا التطور
كبل جان الخص كصب وما تزل عالجاره عين
هسه طابوك السياج شويه ناصي بصفه كرسي فوكه رجلي ارفع ايدي بس أأشر هيه تطفر
انه ظد هذا التطفر
انه ظد هذا التطور
بالحياة عملو الآف التجارب والبحوث حتى تدخل انظمت وندوز كل الحاسبات
بلكي عدكم حاسبه بأحد نظام تحسبلكم جم عراقي بلا عشه اتعود يبات
وصنعوا تلفاز ريمونت كانترول حتى محد يتعب بوكت الصلات
وهوه كاعد لو سمع صوت الآذان يدوس دكمه لوحده يدير القنات
وما رظوا بالتفرقه بزي النساء الامريكان
وحده متكبعه بحرير ووحده بنصر ردن وردان
صمموا برده حديثه وحققوا بيها التساوي وهسه كلهن عاريات
انه منة من هذا التطور ما اريد ما أريدن بي ربيته اتصمم ازياء النساء
حتى لا يتعى الرجيف
وما اريد الناطحه ادك بالسحاب
حتى لاتعلى العبيد
عندك ايد وعندي ايد ما اريد بكمبيوتر تنطبع جثت شهيد
كبل طب اعشاب جانت يعني لو كلبك يموت اتموت كلك ما تفيد
هسه لو كلبك يموت الطب يكلك ما تموت لو كلب تمساح نزرعلك تريد
ولذالك ما اريد ما اريد اشما اكص جف الحرامي يروح يزرع جف جديد
وما اريدن تنغرس نطفه برحم حتى لا ولد الزنه بوكتك تزيد
وما اريد امريكا تستنسخ بشر حتى لا كل يوم تستنسخ يزيد
انه ظد هذا التطور
سحبو بليزر رصاصه يعني نقذوا روح واحد بالسويد
وظربوا بليزر الف ملجأ عراقي وذابت اعظام البشر ويه الحديد
انه مو ظد التطور
انه مو ظد التطور
انه ضد هذا التطور. ؟؟؟
للشاعر المبدع : نائل المظفر
